Advertisement

તારીખ પર તારીખ: પાંચ વર્ષથી ધક્કા ખાતા શખ્સને ન્યાય ન મળતા કોર્ટમાં લલકાર્યો દામીની ફિલ્મનો ડાયલોગ, ફર્નિચર અને કોમ્પ્યુટર પણ તોડી નાખ્યા

08:13 AM Jul 22, 2021 | Pravin Makwana
Advertisement

GSTV

દિલ્હીની કડકડડૂમાં કોર્ટમાં ન્યાય મળવામાં મોડુ થતાં એક વાદીએ હોબાળો મચાવ્યો હતો. બોલિવૂડ અભિનેતા સની દેઓલના સૌથી ફેવરિટ ડાયલોગ તારીખ-પર-તારીખની બૂમ પાડી એક વાદીએ ન્યાય મળવામાં મોડુ થતાં દિલ્હીની કોર્ટમાં કથિત રીતે કોમ્પ્યુટર અને ફર્નિચર તોડી નાખ્યા હતા. 17 જૂલાઈએ કોર્ટ પરિસરમાં કોર્ટ રૂમ નંબર 66માં આ ઘટના ઘટી હતી.

શાસ્ત્રી નગરનો રહેવાસી રાકેશ નામનો શખ્સ વર્ષ 2016 થી પડતર પોતાના કેસમાં ન્યાય ન મળતા નારાજ હતો. એક અહેવાલ આપ્યો છે કે સૂત્રોના જણાવ્યા અનુસાર રાકેશે ફિલ્મના ડાયલોગ ‘તારીખ પાર તારીખ’ ની બૂમ પાડતા કમ્પ્યુટર અને ફર્નિચર તોડી નાખ્યા હતા.

કોર્ટ રૂમમાં હોબાળો મચ્યો

પોલીસે જણાવ્યું કે રાકેશ, જે તેના કેસમાં આપવામાં આવેલી લાંબી તારીખથી નિરાશ થઈને અકળાયો હતો, તેણે કોર્ટરૂમની અંદર જજની બેંન્ચ પર તોડફોડ કરી હતી. જ્યારે કોર્ટરૂમના સ્ટાફે એલાર્મ વગાડવો પડ્યો હતો, ત્યારે પોલીસે રાકેશની ધરપકડ કરી હતી.

‘તારીખ પર તારીખ’ નો સંવાદ બોલિવૂડની ફિલ્મ ‘દામિની’નો છે. દારૂના નશામાં વકીલની ભૂમિકા નિભાવતા સની દેઓલે આ ડાયલોગ લલકાર્યો હતો. સની દેઓલે ફિલ્મમાં ફરી એક કેસ ખોલ્યો અને ન્યાય માટે લડ્યો હતો.

આરોપીની ધરપકડ

Advertisement

આરોપી રાકેશની ધરપકડ કરીને મેજિસ્ટ્રેટ સમક્ષ રજૂ કરાયો હતો, જ્યાંથી તેને ન્યાયિક કસ્ટડીમાં મોકલવામાં આવ્યો છે. દિલ્હી પોલીસે રાકેશની કલમ 186 (સ્વેચ્છાએ કોઈપણ જાહેર સેવકને તેના જાહેર કાર્યોમાં અવરોધે છે), 353 (કોઈપણ વ્યક્તિ જાહેર સેવક છે અથવા ગુનાહિત બળનો ઉપયોગ કરી રહ્યો છે તેના પર હુમલો) અને કલમ 427 (અટકચાળા) હેઠળ ગુનો નોંધ્યો છે.

READ ALSO

The post તારીખ પર તારીખ: પાંચ વર્ષથી ધક્કા ખાતા શખ્સને ન્યાય ન મળતા કોર્ટમાં લલકાર્યો દામીની ફિલ્મનો ડાયલોગ, ફર્નિચર અને કોમ્પ્યુટર પણ તોડી નાખ્યા appeared first on GSTV.

Advertisement

Udayavani is now on Telegram. Click here to join our channel and stay updated with the latest news.

Next