Advertisement

મોટા સમાચાર/ સાયન્સ સીટીમાં 266 કરોડના ખર્ચે તૈયાર થયેલી એક્વેટિક ગેલેરી રામભરોસે, દૂર્લભ ગણાતી અનેક માછલીઓના મોત

07:01 PM Jul 21, 2021 | Harshad Patel
Advertisement

GSTV

અમદાવાદમાં આવેલી સાયન્સ સીટીમાં 266 કરોડના ખર્ચે તૈયાર થયેલી એક્વેટિક ગેલેરી રામભરોસે ચાલી રહી છે. દરરોજ 3 થી 5 ટકા માછલીના મોત થઇ રહ્યાં છે. એક્વેટિક ગેલેરીમાં દૂર્લભ ગણાતી અનેક માછલીઓના મોત થયા છે. દુનિયાના વિવિધ મહાસાગરોમાંથી વિશિષ્ટ પ્રકારની 188 પ્રજાતિની 11 હજાર 690 માછલીઓ એક્વેટીક ગેલેરીમાં લવાઇ હતી.

માછલીઓ માટેની લાઈફ સપોર્ટ સિસ્ટમ પણ શોભાના ગાઠિયા બરાબર

માછલીઓ માટેની લાઈફ સપોર્ટ સિસ્ટમ પણ શોભાના ગાઠિયા બરાબર છે. દેશના સૌથી મોટા અને સર્વશ્રેષ્ઠ એકવેરિયમમાં અનેક માછલીઓના મોત થઇ ચુક્યા છે. વડાપ્રધાન નરેન્દ્ર મોદી દ્વારા સાયન્સ સીટી ખાતે એક્વેટિક ગેલેરી ઇ-લોકાર્પણ કરાયું હતું. થોડા જ દિવસોમાં માછલીઓના થયેલા મોતથી અનેક સવાલો ઉઠી રહ્યાં છે.

શું ટ્રેઈન્ડ સ્ટાફનો અભાવ છે કે પછી માછલીની માવજતનો અભાવ છે?

દુર્લભ ગણાતી માછલીઓના ટપોટપ મોત ચિંતાનો વિષય છે. શું એક્વેટિક ગેલેરીમાં માછલીઓ માટેની લાઈઉ સપોર્ટ સિસ્ટમ શોભાના ગાંઠિયા સમાન સાબિત થઈ.? દુનિયાના વિવિધ મહાસાગરોમાંથી અલગ અલગ 188 પ્રજાતીની 11 હજાર 690 માછલીઓ સાયન્સ સીટીમાં લાવવામાં આવી છે. જેથી આવનાર સમયમાં દુલર્ભ માછલીઓની સરખી માવજત કરવાના પડકાર પણ રહેશે.

૧૮૮ પ્રજાતિની ૧૧,૬૦૦થી વધુ માછલીઓ એક છત નીચે જોઈ શકાશે

ભારતનું સૌથી મોટું એક્વેરિયમ છે. આ એક્વેટિક ગેલેરીનું મહત્વનું પાસુ એ છે કે અહીં ૧૮૮ પ્રજાતિની ૧૧,૬૦૦થી વધુ માછલીઓ એક છત નીચે જોઈ શકાશે. અહીં ગેલેરીમાં ૧૦ અલગ-અલગ ઝોનમાંથી લાવેલ જળચર સૃષ્ટિ દર્શાવવામાં આવી છે. જેમ કે ઈન્ડિયન ઝોન, એશિયન ઝોન, આફ્રિકન ઝોન, અમેરિકન ઝોન, ઓસિયન્સ ઓફ ધ વર્લ્ડ અને અન્ય. દરિયાઈ દુનિયાના રોમાંચક અનુભવ માટે 5-ડી થિયેટર છે.

દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.

READ ALSO

Advertisement

The post મોટા સમાચાર/ સાયન્સ સીટીમાં 266 કરોડના ખર્ચે તૈયાર થયેલી એક્વેટિક ગેલેરી રામભરોસે, દૂર્લભ ગણાતી અનેક માછલીઓના મોત appeared first on GSTV.

Advertisement

Udayavani is now on Telegram. Click here to join our channel and stay updated with the latest news.

Next