Advertisement

હવે સાચવજો/ ગુજરાતમાં કોરોનાના કપ્પા વેરિએન્ટની એન્ટ્રી, જાણો કયા જિલ્લામાં અને કેટલાં કેસ નોંધાયા

11:43 AM Jul 24, 2021 | Bansari |
Advertisement

GSTV

ગુજરાત સહિત વિશ્વભરમાં કોરોના વાયરસે હાહાકાર મચાવ્યા બાદ તેના અલગ અલગ વેરિન્ટ સામે આવ્યા છે. ડેલ્ટા, ડેલ્ટા+ બાદ હવે કપ્પા વેરિન્ટની ગુજરાતમાં એન્ટ્રી થઇ છે. હાલ ગુજરાતમાંથી મહેસાણા, તલોદ અને ગોધરામાંથી કપ્પા વેરિએન્ટના ત્રણ કેસ મળી આવ્યા છે.

બે સેમ્પલમાં કોરોનાનો કપ્પા વેરિયન્ટ જોવા મળ્યો

જણાવી દઇએ કે અમદાવાદની બી.જે.મેડિકલ કોલેજના માઈક્રોબાયોલોજી વિભાગે જૂન મહિનામાં પુનાની નેશનલ ઈન્સ્ટિટ્યૂટ ઓફ વાયરોલોજી ખાતે આઠ શંકાસ્પદ સેમ્પલ મોકલ્યાં હતાં જેમાંથી બે સેમ્પલમાં કોરોનાનો કપ્પા વેરિયન્ટ જોવા મળ્યો હતો. અગાઉ મે મહિનામાં પણ એક સેમ્પલમાં કપ્પા વાઇરસ જોવા મળ્યો હતો.

ગુજરાતમાં સતત બીજા દિવસે કોરોનાના કેસમાં સાધારણ વધારો

ગુજરાતમાં સતત બીજા દિવસે કોરોનાના કેસમાં સાધારણ વધારો નોંધાયો છે. છેલ્લા ૨૪ કલાકમાં કોરોનાના નવા ૩૬ નવા કેસ સામે આવ્યા છે જ્યારે સતત પાંચમાં દિવસે એકપણ મૃત્યુ નોંધાયું નથી.છેલ્લા ૨૪ કલાક દરમિયાન અમદાવાદમાંથી સૌથી વધુ ૮, સુરતમાંથી ૭, વડોદરા-નર્મદામાંથી ૪, રાજકોટ-જુનાગઢ-સુરેન્દ્રનગરમાંથી ૨, જામનગર-ભાવનગર-આણંદ-ગાંધીનગર-દાહોદ-ગીર સોમનાથ-સાબરકાંઠામાંથી ૧-૧ નવા કેસ સામે આવ્યા હતા. આ સાથે જ રાજ્યમાં કોરોનાના કુલ કેસનો આંક હવે ૮,૨૪,૬૪૪ છે જ્યારે કોરોનાથી કુલ મરણાંક ૧૦,૦૭૬ છે. રાજ્યમાં હાલ ૩૪૫ એક્ટિવ કેસ છે અને ૫ દર્દી વેન્ટિલેટર પર છે.

રાજ્યના તમામ જિલ્લામાં ૧૦૦થી ઓછા એક્ટિવ કેસ છે. જેમાં અમદાવાદમાંથી સૌથી વધુ ૮૬ એક્ટિવ કેસનો સમાવેશ થાય છે. છેલ્લા ૨૪ કલાકમાં વધુ ૬૧ દર્દીઓ કોરોનાથી સાજા થયા છે. અત્યારસુધી કુલ ૮,૧૪,૨૨૩ દર્દીઓ કોરોનાને હરાવી ચૂક્યા છે અને સાજા થવાનો દર ૯૮.૭૪% છે.રાજ્યમાં હાલ ૫૨૫૬ દર્દીઓ ક્વોરેન્ટાઇન હેઠળ છે. છેલ્લા ૨૪ કલાકમાં ૬૭૯૪૩ ટેસ્ટ સાથે કુલ ટેસ્ટનો આંક હવે ૨.૪૯ કરોડ છે.

Read Also

Advertisement

The post હવે સાચવજો/ ગુજરાતમાં કોરોનાના કપ્પા વેરિએન્ટની એન્ટ્રી, જાણો કયા જિલ્લામાં અને કેટલાં કેસ નોંધાયા appeared first on GSTV.

Advertisement

Udayavani is now on Telegram. Click here to join our channel and stay updated with the latest news.

Next