Advertisement

Cruise Drugs Case : આર્યન ખાન વિશે અસદુદ્દીન ઓવૈસીનું સામે આવ્યું નિવેદન, જાણો શું કહ્યું?

06:47 PM Oct 18, 2021 | Vishvesh Dave |
Advertisement

GSTV

ક્રૂઝ ડ્રગ્સ કેસમાં ફસાયેલા બોલિવૂડ અભિનેતા શાહરૂખ ખાનના પુત્ર આર્યન અંગે AIMIM ના વડા અને સાંસદ અસદુદ્દીન ઓવૈસીનું નિવેદન સામે આવ્યું છે. તેમણે કહ્યું છે કે જેલમાં રહેલા વંચિતો અને ગરીબ મુસ્લિમો માટે તેઓ અવાજ ઉઠાવશે અને જેમના પિતા શક્તિશાળી છે તેમના માટે નહીં. જોકે તેણે કોઈનું નામ લીધું નથી. ગાઝિયાબાદમાં એક રેલી દરમિયાન ઓવૈસીએ કહ્યું કે તે તે મુસ્લિમો માટે બોલશે જે વર્ષોથી જેલમાં છે, હું તેમના માટે શું વાત કરીશ જેમના પિતા દરેક રીતે મજબૂત છે.

અસદુદ્દીન ઓવૈસીએ કહ્યું, “મને એક ફિલ્મ સ્ટારના દીકરા માટે બોલવાનું કહેવામાં આવી રહ્યું છે, પરંતુ હું તે લોકો વિશે વાત કરીશ જેઓ ગરીબ છે. 27 ટકા મુસ્લિમો ઉત્તર પ્રદેશની જેલોમાં બંધ છે, તેમની માટે કોણ બોલશે?” ઓવૈસીએ આગળ કહ્યું, “હું હંમેશા તેમના વિશે વાત કરીશ જેઓ ગરીબ વર્ગમાંથી આવે છે.”

દરોડા દરમિયાન આર્યન ખાન ઝડપાયો

તમને જણાવી દઈએ કે, 2 ઓક્ટોબરની રાત્રે મુંબઈમાં ક્રુઝ પર કથિત ડ્રગ્સ પાર્ટી દરમિયાન એનસીબીએ શાહરૂખ ખાનના મોટા પુત્ર આર્યન ખાનને દરોડા દરમિયાન પકડ્યો હતો. આર્યન ખાન સાથે ઘણા વધુ લોકો પણ પકડાયા હતા. આ પછી આર્યન ખાન સહિત તમામ આરોપીઓને NCB ની કસ્ટડીમાં મોકલવામાં આવ્યા હતા. બાદમાં કોર્ટે તેમને 14 દિવસની ન્યાયિક કસ્ટડીમાં મોકલી આપ્યા હતા. હાલમાં, આર્યન ખાન મુંબઈની આર્થર રોડ જેલમાં બંધ છે. આર્યન ખાનની જામીનની સુનાવણી 20 ઓક્ટોબરે થશે. આર્યનનો અંડર ટ્રાયલ નંબર આર્થર રોડ જેલમાં N956 છે. આર્યનને તેના ઘરમાંથી 4500 રૂપિયાનો મનીઓર્ડર મળ્યો છે, જેથી તે કેન્ટીનમાંથી પોતાની પસંદગીનું કંઈ પણ ખાઈ શકે. આર્યન ખાન વીડિયો કોલ દ્વારા અઠવાડિયામાં એકવાર તેના માતા -પિતા સાથે ફોન પર વાત પણ કરી શકે છે.

ALSO READ

Advertisement

The post Cruise Drugs Case : આર્યન ખાન વિશે અસદુદ્દીન ઓવૈસીનું સામે આવ્યું નિવેદન, જાણો શું કહ્યું? appeared first on GSTV.

Advertisement

Udayavani is now on Telegram. Click here to join our channel and stay updated with the latest news.

Next